Un Pasuk de la Megila

Un Pasuk de la Megila

Keridos amigos,Purim ya esta arres de la pared,i en avriyendo la Megila, me pareseke el Pasuk mas importante en eya,es lo ke dize Mordehai a su sovrina,la reina Ester, en mandandola a sumisyon tan perikoloza, de entrar ande el rey, para rogarle i para bushkar mersed delante de el por los Jidyos.Esto fue lo ke le disho Mordehay:"Porke si kayar te kayaras en esta ora,rigmisyon i salvasyon se levantara alos Jidyos de OTRO LUGAR, i tu i la kaza de tu padre vos deperderesh".El "otro lugar" por el kual avlo Mordehay,es segun keremos entender, el Dio-Baruh-u.La feuzya (la aftaha) de Mordehay en el Dio, fue tan firme asta kreer ke si Ester azera sudover, o si no, ansina komo ansina, la salvasion vendra de "otro lugar".Entonses, me demando yo, porke le adjunto i le disho Mordehay: "I tu i la kaza de tu padre vos deperderesh"?Mi opinion es, ke en un momento de ezitasyoni por myedo de entrar ande el rey, Ester pensavade salvarse eya sola, su propia alma, del destino amargo del todo el puevlo. Muy simple; eya, Ester, nunka no denunsyo (en la kaza del rey) su puevlo, ni su parentela.Aki fue el punto en el kual la akavida Mordehay a Ester:(Aun ke, puedeser, te salvaras i tengas la vida), "i tu, i la kaza de tu padre vos deperderesh". Porke si kayar se kayara la persona en talas oras de apreto, su vida ke tal vez la ganara, va ser una vida de perdisyon.Vida sin onor, i yena de vereguensa i de remorso. ***Luz, alegria, gozo i onra a todo Yisrael!